రచన,స్వరకల్పన&గానం:డా.రాఖీ

గాదె క్రింది పందికొక్కులు-గోతికాడి గుంటనక్కలు
తోకనూపు ఊరకుక్కలు-హీనమౌ పరాన్న బుక్కులు
లంచగొండి పురుగులు బంట్రోతు నుండి మంత్రిదాకా
అవినీతి జలగలు వ్యాపారి మొదలు ఉత్పాదకులదాకా

1. గడ్డికరుస్తారంతా అన్నం బదులుగా
సంచరిస్తుంటారు మరీ దిగంబరంగా
అక్రమార్జనెప్పుడో బయటపడక  మానదు
బినామీ ఆస్తులకూ ముప్పురాక తప్పదు
మేలుకుంటె మేలుకలుగు ఈ క్షణమైనా
ఉన్నంతలొ తృప్తిపడితె హాయే స్థాయేదైనా

2.విలువకోల్పోతారు సభ్యసమాజాన
గౌరవం మంటకలుసు బంధు మిత్ర బృందాన
అనుభవించిన వారే ఈసడించుకుంటారు
భార్యా పిల్లలు సైతం చీదరించుకుంటారు
ఎవరికొరకు  తాకట్టో అవినీతిపరుల ఆత్మగౌరవం
ఎందుకు బజారుపాలో లంచావతారుల వ్యక్తిత్వం