నా చేయి వదిలావు ఎందుకు స్వామి
ఒంటరిని చేసావు ఇది న్యాయమా ఏమి
నీవూ నేనే కదా మనదైన లోకాన
నను ముంచివేసావు కడలేని శోకాన

1.నిర్మలమైన నామది కడలిని
కల్లోల పరిచెడి కాఠిన్యమేల
నిశ్చలమైన నా హృదయాన
అలజడి రేపెడి కరడు నీకేల
నను వేరుచేయకు పరమ దయాళా
నను మరచిపోబోకు ఏవేళా

2.నే కోరుకున్నాన ఈ భవబంధాలు
నిను వేడుకున్నాన ఇహలోక సౌఖ్యాలు
నువులేక నేనెపుడు అనాథనే
నినుగనక నాకు నిత్య వ్యథనే
ననుచేర్చుకో స్వామి నీ అక్కున
ఎడబాటు నోపను రావయ్య గ్రక్కున