https://youtu.be/cHWk1zYiPqw

సమర్థ సద్గురుసాయినాథా
సమస్తలోకాలకే అధినేతా
భక్త సులభ భవబంధమోచకా
అనురక్తి యుక్త ముక్తిమార్గ బోధకా
జయజయధ్వానాలు సాయీ నీకు
సాష్టాంగ వందనాలు నీ పాదాలకు

1.సాయనిపిలువగనే ఓయంటావు
మా ఇంటితలుపు తడుతుంటావు
నిండుగ గుండెలోన స్థిరపడతావు
కొండంత అండగ నిలబడతావు
జయజయధ్వానాలు సాయీ నీకు
సాష్టాంగ వందనాలు నీ పాదాలకు

2. మా మొరలే నీకు వేదమంత్రాలు
మా పంచప్రాణాలే పంచహారతులు
మా నాలుకయే నీకు పల్లకీ సేవ
ఏకాదశ సూత్రాచరణ మాకు త్రోవ
జయజయధ్వానాలు సాయీ నీకు
సాష్టాంగ వందనాలు నీ పాదాలకు