రచన,స్వరకల్పన&గానం:డా.రాఖీ

కరువే కరువు మగజాతి సరసులకు

కనుచూపు సాగుతుంది కలికిపై కనిపించనంతమేరకు

మగ బలహీనత భలేతెలుసులే నారీమణులకు

విచ్చుకత్తులే వాడేరు రెచ్చగొట్టి చిచ్చుపెట్టేందుకు

1.అందాలకు కేంద్రకాలు ఎరిగేరు నెరజాణలు

మీటకుండ మ్రోగేటి సింగార రసవీణలు

నాభిచూపి నట్టేల్లో బ్రతుకునే ముంచేస్తారు

నడుము కదిపి రారాజులనే గులాంగిరీ చేయిస్తారు

2.చూపుతో చూపుకలిపి మత్తుమందు చల్లేస్తారు

వీపు సైతం చూపి మరీ కనికట్టు చేసేస్తారు

అధరవిన్యాసాలతో పూబాణాలే వేస్తారు

దరహాస చంద్రికలతో దాసులుగా మారుస్తారు