https://youtu.be/c7saAOn3loY
టెంకాయ కొడతాను వేంకటేశుడనీకు
ఏ వంక మావంక నీవింక రానీకు
వెంట్రుకల ముడుపునే ఇడుదునయ్యా స్వామి
ఇడుములను మానుండి కడతేర్చవయ్యా
ఏడుకొండలవాడ గోవిందా వడ్డికాసులవాడ గోవిందా
అపద మొక్కులవాడ గోవిందా ఆనందదాయకా గోవిందా
1.కాలినడకన కొండలేడూ ఎక్కి
చక్కనీ నీ మోము దర్శింతుమయ్యా
ఆయురారోగ్య భోగభాగ్యాలనే
మాకొసగి మమ్మిపుడె కరుణించవయ్యా
ఏడుకొండలవాడ గోవిందా వడ్డికాసులవాడ గోవిందా
అపద మొక్కులవాడ గోవిందా ఆనందదాయకా గోవిందా
2.పాలకడలిలోన ఫణిరాజుపైన
పడుకొని బడలికను బాసేటి స్వామి
అలసినాను నేను సంసార కడలీది
చేయూతనాకిచ్చి చేదుకోవయ్యా మమ్మాదుకోవయ్యా
ఏడుకొండలవాడ గోవిందా వడ్డికాసులవాడ గోవిందా
అపద౹మొక్కులవాడ గోవిందా ఆనందదాయకా గోవిందా
OK
OK
No comments:
Post a Comment