https://youtu.be/HtDxNBRBOb0?si=XUpxbBLtohd7ZYt8

 రచన:డా.గొల్లపెల్లి రాంకిషన్ రాఖీ

అరవింద నీ వదనం నెఱి యందము

అరవిరిసిన అధరాల్లో మకరందము

ఓరకంటి చూపుల్లో కవ్వింతల వింతలే

దోరదోర బుగ్గల్లో సిగ్గుల పులకింతలే

1.నుదుటన మెరిసింది పావన సింధూరం

పాపిటి బిళ్ళతో ఇనుమడించె సౌందర్యం

మిసమిసలు ఎన్నెన్నో నీ పసిడి మేనులో

గుసగుసల జూకాలే మిడిసేను నీ వీనుల్లో

2.కృష్ణగంగయై దూకే నీ కురుల జలపాతం

అలవోకగ స్పృశించే చిలిపి మలయమారుతం

నీ హావభావాల్లో నిత్యమూ ఆనంద నందనం

నీ స్నేహ కవనాల్లో ప్రాప్తమే అనురాగ చందనం