రచన,స్వరకల్పన&గానం:డా.రాఖీ
చేదైన నిన్నటి అనుభవం గుణపాఠమై
మధురోహల రేపటి శిఖరమే గమ్యమై
సాగనీ ఈనాటి నీపయనం నిరాటంకమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
1.ఎన్నుకునే అంకురమే నాణ్యత గలదై
నాటుతున్న నేలయే సారవంతమై
చెదరని బెదరని నీ కృషియే ప్రావీణ్యత గలదై
వెలయించనీ నీ దీక్షావృక్షం సత్ఫలితాలనే సఫలమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
2.మార్గమే కఠినమైనా నిర్గమ దుర్గమమైనా
అడుగెయ్యి ఒడుపుగా మడమతిప్పకుండా
మలుపులు గోతులు దారంతా మామూలే
నిశ్చయం ఊతమై ధైర్యమే నేస్తమై గెలుపే ధ్యేయమై
ఈ ప్రశాంత ప్రభాతమే సుప్రభాతమై
నా ప్రబోధ గీతమై
No comments:
Post a Comment