రచన,స్వరకల్పన&గానం:డా.రాఖీ
కన్నతల్లినే కలుసుకొన్నదే శుభోదయం
అమ్మ చల్లని దీవెన పొందగ మహోదయం
పుట్టినూరులో కాలుపెట్టిందె పావన ఉదయం
అన్నదమ్ములతొ గడుపగలిగిందె ఆనందోదయం
1.బాల్యమిత్రులతొ సమావేశమే ఉల్లాసోదయం
మధురస్మృతుల మననంతో హసోదయం
సమాజసేవకు నడుంకట్టగల మా నవోదయం
ప్రేరణనొసగే ప్రబోధగీతం పాడితె చైతన్యోదయం
2.ఎంతో కొంత వితరణ చేయగ దానోదయం
మితాహారమే భుజియించగ ఆరోగ్య ఉదయం
కుశల ప్రశ్నలతొ పలకరించగ స్నేహోదయం
కాఫీ చాయల కమ్మని రుచులతొ రసోదయం
శుభోదయం రసోదయం మహోదయం!!
No comments:
Post a Comment