రచన,స్వరకల్పన&గానం:డా.రాఖీ
గోదావరి నేనై తడపనా ననులేత నీ పాదాలను
చిరు తరగను నేనై ముద్దాడనా మువ్వల పట్టీలను
గడ్డిపరకను నేనై నీ అడుగుల మడుగులొత్తనా
అరికాళ్ళకు మట్టంటకుండ అరిచేతులు నావుంచనా
1.మధురమైన జ్ఞాపకమై గిలిగింతలు పెట్టనా
పరువపు పరవశమై పులకింతల ముంచనా
ఆనందపు చెమరింతనై అవధులు తొలగించనా
కలలోనూ కమ్మని కలవరింతనై నిను వేధించనా
2.వణికే చలిలోన కౌగిళ్ళనెగళ్ళనే రాజేయనా
నీ అంగ ప్రాంగణాన పెదాల రంగవల్లులేయనా
మనసును పొగల చక్కెర పొంగళిగా అందించనా
ఊష్ణం ఊష్ణేన ఊష్ణమని నేను ఋజువు పరచనా
No comments:
Post a Comment