రచన,స్వరకల్పన&గానం:డా.రాఖీ
నీ ఎత్తులు పయ్యెత్తులు మత్తుగొలుపులే
మది చిత్తయ్యీ పోయేటి వలపు పిలుపులే
లలనా కాదనగలనా నీదాసుడనైనందు వలన
చల్లార్పే పనిచూడు మగడా తాళజాల ఈ జ్వలన
1.సొగసులు మూటగట్టి బిగువుగ దాచిపెట్టి
ఉంచాను సఖా ఇన్నేళ్ళుగ నీ కొఱకే అట్టిపెట్టి
ఏమరుపాటుగను ప్రియా చేజారని తీరుగను
కోర్కెలు ముడుపుగట్టి పెట్టాను ఆతృత బిగబట్టి
2.మదనుడె గురువుగా ప్రణయ పాఠాలునేర్చి
సంగమ సంగ్రామానికి కాలుదువ్వె నా మగటిమి
కొత్తలోకాలు గెలిపించి వింత మైకాల్లొ మురిపించి
తారాస్థాయిలో హాయిని కురిపించగ నీ ఈ పెనిమిటి
No comments:
Post a Comment