రచన,స్వరకల్పన&గానం:డా.రాఖీ
వలపుకు ప్రతిబంధకమే కాదు వయసు
నిత్య యవ్వనంతో చెలగును మనసు
అనుభవాన దొరికిన స్త్రీ అనుభూతులు
పలవరించి మురిసిన మధురస్మృతులు
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
1.సౌందర్యోపాసనే పూర్వజన్మ సుకృతం
సౌందర్యారాధనే అపురూప అవకాశం
సౌందర్య పోషణ అనవరతమౌ ఘోరతపం
సౌందర్య లహరితొ తరియించట తథ్యంతథ్యం
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
2.సుందరమౌ వదనమే సుదతికి వరం
శరీర సౌష్ఠమే తోయజాక్షికి అదృష్టం
హోయలొలికెడి నడకలు అదనపు సొత్తు
ప్రియవచనములే పడతిజల్లెడి మత్తు
జీవితం ఎప్పటికీ నవరసభరితం
సరసం విరసం సమపాళ్ళై సమ్మిళితం
No comments:
Post a Comment