https://youtu.be/kFWjL6t5OoU
తీరిపోతె ఏముంది కోరిక
నిస్సారమే ఈ జీవనం ఇక
ఫలించినంత అంతటిదే వేడుక
అసంతృప్తిలోనె ఉంది భవితవ్య దీపిక
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
1.మితిమీరిన సుఖములనే బడసి
మతినైనను నిను నిలపనైతి అరసి
గతినీవే అన్యమెరుగ దయగను శ్రీపతి
ద్యుతినీవే అంధకార బంధురమవ నా ఋతి
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
2.అలసినాను బ్రతుకున పరుగిడి పరుగిడి
ఎండమావులైన ఐహిక బంధాల పాలబడి
నొచ్చినప్పుడే నీ శరణుజొచ్చితి భయపడి
వెతల కాన్కలిచ్చైనా మరువనీకు పొరబడి
వేంకటరమణా నేనేంటో నీకే ఎరుక
కరుణాభరణా నన్నుద్ధరించు జాగు సేయక
No comments:
Post a Comment