రచన,స్వరకల్పన&గానం:డా.రాఖీ
కలవడమే కలైతే ఎలా-
కలకాలం ఇలా'నే బలా
కలయిక కల ఇక యని కలతలు రేపగ
కలభము నైతిని నిను దీనత వేడగ
1.కలవని తలవనా కల'వని తలవనా
కలయో వైష్ణవమాయో యని ఎంచనా
కలగాపులగమాయె చెలఁగిన భావనలు
కలరవమాయేనో కలికి నీ సాంత్వనలు
2.కలవరింతలే రేయీ పగలు
కలకంఠి మాన్పవె నా దిగులు
కలకండ నీ జిలిబిలి పలుకులు
కలబోస్తివి చెలి నీ మిసమిసలు
3.కలవరమే కలిగె నా ఎదలో
కల'వరమే ఔనా ఈ జన్మలో
కలహమా నాతో కలహంస గమన
కలమే నీ పరమై కదిలే ఈ తీరున
PIC courtesy: Radha Mohan Rangu
No comments:
Post a Comment