రచన,స్వరకల్పన&గానం:డా.రాఖీ
మాయలమారి ప్రేమపేర ఒకపోరి
మరుపురాని గురుతుల గోదావరి
యవ్వనమంతా వరదల విరహాలు పారి
చెలి చేజారి విషాద కడలి పంచన నే జేరి
1.గలగలా రావాలు కనుమరుగాయే
స్ఫటికమంటి నీరంతా మురుగాయే
ప్రహాహమిపుడు కదలక మడుగాయే
జ్ఞాపకాల బరువుతో గుండె చెఱువాయే
2.కులాల కుళ్ళుతో కలుషితమాయే
మూఢనమ్మకాలవల్ల కల్మషమాయే
ఏ గొంతు తడుపుటకో ఏరు ఎడారాయే
సర్దుబాటు బాటలో నా కంట గోదారాయే
No comments:
Post a Comment