రచన,స్వరకల్పన&గానం :డా.రాఖీ
రాగం:చారుకేశి
చల్లనివాడే రేపల్లియవాడే
చిత్తముపై మత్తునింక చల్లెడివాడే
నల్లనివాడే అల్లరివాడే
మెలమెల్లగ ఉల్లములే దోచెడివాడే
1.కల్లాకపటమే ఎరుగనట్టుంటాడు
ఎల్లలోకాలు నోట చూపెడుతుంటాడు
కల్లబొల్లిమాయల్లో పడగొడుతుంటాడు
వల్లమాలిన మైకంలో ముంచుతుంటాడు
అహం మమ భ్రమలందుంచుతాడు
2.జాడాపత్తాకలేక దొరకనేదొరకడు
జగమంతా తానే నిండి ఉంటాడు
జనన మరణాల చక్రం తిప్పుతుంటాడు
శరణాగతులకెపుడు వరమౌతుంటాడు
తానే ఇహపరమౌతుంటాడు
No comments:
Post a Comment