రచన,స్వరకల్పన&గానం:డా.రాఖీ
కమలమేదో ముఖ కమలమేదో
మందారమేదో అధరారుణమేదో
ఒయ్యారి నీ ఒంటి నిండ ప్రకృతి
సౌందర్యానికి నీవే సరైన ఆకృతి
1.నీలిమేఘమాల నీ కురులలో
కొలనులోని కలువలు నీ కన్నులలో
రాలిపడే మల్లెలే నీ మోవిలో
విరిసిన విరితోటయే నీ మోములో
2.గిరులు నీ వక్షస్థలమ్ములో
ఝరులు నీ కటిప్రదేశమ్ములో
లోయలో అగాధాలొ అరణ్యాలో
ఎదురౌతుంటాయి నీ మేనిలో
No comments:
Post a Comment