రచన,స్వరకల్పన&గానం:డా.రాఖీ
నా కవితలా మారిపో ప్రతి రోజు
నిను స్ఫూర్తిగా గొనడమే నాకు రివాజు
నీ మృదుమంజుల భాషణతో
పరుగులిడును నా కలము
నీ పద మంజీర రవముతో
నా పదములౌను మంజులము
1.తలపున మెదులును నినుగాంచగ తులసికోట
భావనలో ఊరును పలుకరించ తేనె తేట
నువు గాత్రం విప్పినంత ప్రతిఋతువున కోయిలపాట
నీ సన్నిధి అనవరతం పరిమళించు పూదోట
2.తూరుపు సింధూరం నీ నుదుటన మెరిసింది
చుక్కలదండు మల్లెచెండై నీ జడన అమరింది
అరవిరిసిన మందారం అధర మాక్రమించింది
గోదావరి గలగలయే నగవుల రవళించింది
No comments:
Post a Comment