రచన,స్వరకల్పన&గానం:డా.రాఖీ
చక్కెర కర్మాగారం నాదేహం
పంచదార సంచుల గోదాం
పలుకులే పటిక బెల్లాల తీరు
పాటల్లొ తేనె ఊటలై పుసిపారు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
1.తీయనైన వస్తువులతొ నోరూరు
భక్షపాయసాలతో మనసు బేజారు
పిండిపదార్థాలంటే జిహ్వకెంత జోరు
ఏలికైన నా నాలుకా నీకు జోహారు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
2.ఐదు రుచులు మాత్రమే ఇకనుండి రసనకు
మరిచే'దై'పోయింది మధురమే బ్రతుకునకు
తీపి రోగమొకటిచాలు కబళించేటందుకు
ఒకసారి వచ్చిందా బ్రహ్మతరమా వదిలేందుకు
చొరబడుతోంది త్వరితంగా మధుమేహం
ఆరోగ్యవంతమైన మేనుకెంతటి ద్రోహం
No comments:
Post a Comment