రచన,స్వరకల్పన&గానం:డా.రాఖీ
రాగం:చంద్ర కౌఁస్
రమ్మంటే రావేలా పడకటింటికి
గంధర్వకాంతలా కనిపిస్తూ నా కంటికి
తలనిండా మల్లెదండ తహతహ పెంచ
న్యాయమా అర్ధాంగీ నన్నుడికించ
1.ఎప్పుడొస్తానా అని ఎదిరిచూపు నా కొరకు
అభిసారికవై సాయంత్రం నేనిల్లు చేరే వరకు
వచ్చీరాగానే జాప్యానికి హెచ్చిన అలకలై
ఉవ్విళ్ళూరే యవ్వనమే ఉసూరనగ కలై
తెల్లచీర ఉల్లమందు ఉద్విగ్న పరచ
ధర్మమా శ్రీమతి నా మదిని దోచ
2.సత్యభామ పదములొత్తు కృష్ణుడకానా
మోహినినే బ్రతిమాలెడి శివుడనేనైపోనా
కట్టుకున్ననాడె నీ దాసుడనై పోయానే
బెట్టేజేయ తగదు సఖీ నీ ప్రియపతినికానే
ఓరచూపు మూతివిరుపు నీకందమే
ప్రేయసీ ఊర్వశీ ఇకనైనా అందవే
No comments:
Post a Comment