OK

 రచన,స్వరకల్పన&గానం:డా.రాఖీ

నిను చూసిన వెంటనే రెప్పలల్లార్చి

కలయా నిజమాయని నా ఒంటిని గిచ్చి

తెప్పరిల్లి- మళ్ళీమళ్ళీ మైకం వచ్చి

గుండె ఆగిపోయింది ఒక్కక్షణం- నువు పిచ్చిగ నచ్చి

పొగడలేక తడబడుతున్నానే- ఓ అప్సరస

కవులెవ్వరు కాంచి ఉండరు- నీఅంతటి మిసమిస

1.పాతబడ్డ ఉపమానం చంద్రవదనం

 రివాజైన ఉత్ప్రేక్షే హరిణి వీక్షణం

నీ రూపానికి ఇలలోలేదు తగిన రూపకం 

నీవే విరహాగ్నికి ప్రేరేపకం-నీవే ఎద మంటల అగ్నిమాపకం

పొగడలేక తడబడుతున్నానే ఓ అప్సరస

కవులెవ్వరు కాంచి ఉండరు నీఅంతటి మిసమిస

2. నా అపూర్వ నాయిక వీవే  ఓ అవంతిక

నీవేలే  నన్నలరించెడి మనోజ్ఞ గీతిక

కరకరలాడుతు నోరూరించే కమ్మని జంతిక

నిను ఆరాధించుట ఒక్కటే నావంతిక

పొగడలేక తడబడుతున్నానే ఓ అప్సరస

కవులెవ్వరు కాంచి ఉండరు నీఅంతటి మిసమిస