శ్రీనివాస హే మురహరి గోవింద
వేంకటేశ మాం పాహి ముకుందా
చిద్విలాస వదనారవింద
చిన్మయానంద నమో భక్తవరద
1.మా దుఃఖాల అభిషేకాలు
నిందలే అష్టోత్తరాలు
ఆవేదనలన్నీ నివేదనలు
నిరసన జ్వాలలు హారతులు
నీకే సమర్పితం నీ ఈ ప్రసాదాలు
ఎంతకూ ఒడవని మా విషాదాలు
2.నిత్యం గొడవలు నీ భజనలు
మా నిట్టూర్పులె స్తోత్రాలు
మా మొరలే నీకై కీర్తనలు
చావో రేవో మా ప్రార్థనలు
నీకే అంకితం మా జీవితాలు
కొఱవడిపోయిన సంతసాలు
No comments:
Post a Comment