OK

అపచారమే భవా నీ ఉనికిని ప్రశ్నిస్తే

కడుపాపమే హరా నిను నిరసిస్తే

దయ్యాలకు మాత్రం పీడించే శక్తులా

భూతాలకు సైతం వేధించే యుక్తులా

పరమాత్మవు నువులేక ప్రేతాత్మలుండునా

జగత్పితవు నీముందు పిశాచాలు మనునా

1.పూజించిన వేళలో వరములైతె ఈయవు

దూషించినంతనే శాపమేల ఇచ్చెదవు

గతజన్మల కర్మలంటు కట్టు కథలెందుకు చెప్పెదవు

జగత్కర్తవీవే కద తప్పు మాదేయని ఎలా నుడివెదవు

నీ నాటకాలలో బలిపశువులు మేమా

నీ కేళీవిలాసాలకు మేమాట బొమ్మలమా

2.దుష్టుమూక తాండవించ నీవొక జడుడివా

కష్టాలలొ మముద్రోయగ నీవూ దేవుడివా

దయ్యాలను శరణంటే కాస్తైనా కనికరించు

భూతాలను బతిమాలితె జాలైనా చూపించు

నిన్నే కదాశివా భూతనాథుడంటారు వృధాగా

నిన్నే సదాశివ వైద్యనాథుడంటారు అపప్రథగా