రచన,స్వరకల్పన&గానం:డా.రాఖీ
సాఫీగ రోజుసాగాలంటే
కాఫీలు చాయలు తాగాలంతే
సూఫీ కవితలు తెలియదంటే
మాఫీ చేసేదంటూ లేనేలేదైతే
ఉత్తేజమేదో అలలెత్తుతుంది కాఫీ ఆస్వాదిస్తే
చైతన్యమేదో శివమెత్తుతుంది తేనీరు సేవిస్తే
1.సురాపానమే మానేవాళ్ళు
అసురులు కాఫీ ఎరిగుంటే
సుధారసమునే గ్రోలకపోదురు
దివిజులు చాయను త్రాగుంటే
మైకమేదో కమ్ముతుంది కాఫీని చప్పరిస్తే
మత్తన్నదే ముంచెత్తుతుంది టీని సిప్ చేస్తే
2.తత్వాలెన్నో చెప్పేస్తారు
కాఫీని నమ్మెడి కాఫిర్లంతా
గజళ్ళనెన్నో గుప్పిస్తారు
చాయను కోరెడి షాయర్లంతా
కబుర్లకే వేదికలౌతూ కాఫీషాప్ లు
చిట్ చాట్ స్నేహపు బంధాలౌతూ టీకొట్టులు
No comments:
Post a Comment