రచన,స్వరకల్పన&గానం:డా.రాఖీ

దుఃఖమే నిండింది నా గుండెనిండా

కన్నీరే పారుతోంది నర నరాలగుండా

నెత్తురుకిక తావేది హృదయాన కొలువుండ

ఎప్పుడోఆవిరైంది ఆశలు అడియాసలై మండ

1.నలువైపులా వెతల మహా సాగరం

కనుచూపు మేరలోనా కనరాదే తీరం

పుండుమీది పుట్రలా మ్రింగే తిమింగలాలు

శిథిలమైన ఈ పడవను ముంచెత్తే కెరటాలు

2.అల్లంత దూరంలో అగుపించెను భూఖండం

ఊరట చెందునంత తెలిసెను అది హిమగండం

ఇంతలో లాగివేసె  నా నావను సుడిగుండం

కొస ఊపిరి మిగిలిన కుడి అయ్యింది ఖండఖండం