OK

 రచన,స్వరకల్పన&గానం:డా.రాఖీ

ఒక రాజకుమారి నా ప్రేమను కోరి

వీక్షిస్తోంది నాకై గవాక్షాన్ని చేరి

ఒక వయ్యారి చంద్ర చకోరి

నిరీక్షిస్తోంది నాకై  ఆత్రుత మీరి

రెక్కల గుర్రం మీద చుక్కల లోకం దాకా

ఎక్కించుకొని ఎగరేసుకొని వెళ్ళేటందుకా

1.తోటరాముడంటి నన్ను ఏటివద్ద చూసిందేమో

పాటపాడుతున్న నన్ను కోటలొ కనుగొన్నదేమో

మల్లయుద్ధ సాధనపుడు నా ఒంటిని కాంచిందేమో

నేదిద్దే కోరమీసం తన అంచనాను పెంచిందేమో

పావురంతొ కబురెట్టింది ఎంతో పావురంగా

వెన్నెలవేళ కలువగరమ్మని మరీ మరీ మురిపెంగా

2.చోరులను పట్టినపుడు ధీరునిగా ఎంచిందో

మగటిమికి పడిపోయి మనసు పారవేసుకుందో

ఆపన్నులనాదుకోవడం ఆనోటా ఈనోటా విందో

తనకు తగిన వరుడను నేనని నిర్ణయించుకుందో

పావురంతొ కబురెట్టింది ఎంతో పావురంగా

వెన్నెల వేళ కలువగరమ్మని మరీ మురిపెంగా