రచన,స్వరకల్పన&గానం:డా.గొల్లపెల్లి రాంకిషన్(రాఖీ)
"జనులకు శుభకామనలు-రాముని శుభ దీవెనలు"
ధర్మానికి నిలువెత్తు రూపంగా
వెలిసాడు శ్రీరాముడు హైందవ దీపంగా
సహనానికి సరికొత్త భాష్యంగా
అవతరించె సీతమ్మ ఉత్తమ సాధ్విగా
భరతావని రామాయణ చరితమే ఉత్ర్రేరకంగా
శ్రీరామనవమి హిందువులందరి ఉత్సవంగా
జనులకు శుభకామనలు రాముని శుభ దీవెనలు
1.పితృవాక్య పరిపాలన కర్తవ్యమన్నాడు
సార్వభౌమత్వాన్ని తృణంగా గణించాడు
వనవాసమైనా శిరోధార్యమన్నాడు
ఆలితో అడుగులేసి మాటచాటుకున్నాడు
భరతావని రామాయణ చరితమే ఉత్ర్రేరకంగా
శ్రీరామనవమి హిందువులందరి ఉత్సవంగా
జనులకు శుభకామనలు రాముని శుభదీవెనలు
2.సౌమిత్రి తోడుగ పర్ణశాల వసించాడు
మాయలేడి యని ఎరిగీ సీతకోర్కె వహించాడు
వైదేహి ఎడబాటులో పరితాపం చెందాడు
జానకి జాడకొరకు హనుమను పంపాడు
భరతావని రామాయణ చరితమే ఉత్ర్రేరకంగా
శ్రీరామనవమి హిందువులందరి ఉత్సవంగా
జనులకు శుభకామనలు రాముని శుభదీవెనలు
3.లక్ష్మణున్ని బ్రతికించగ సంజీవని తెచ్చె హనుమ
అక్కున జేర్చెను మారుతిని రాముని ప్రేమ
దశకంఠుని దునుమాడెను రామబాణ గరిమ
ప్రకటితమాయే పట్టాభి రాముని ప్రజారాజ్య పటిమ
భరతావని రామాయణ చరితమే ఉత్ర్రేరకంగా
శ్రీరామనవమి హిందువులందరి ఉత్సవంగా
జనులకు శుభకామనలు రాముని శుభదీవెనలు
No comments:
Post a Comment