రచన,స్వరకల్పన&గానం:డా.రాఖీ
రాగం:వసంత
పరమ దయాళా పరమ శివా
సరగున నను పరిపాలించవా
నా ఉరమున ప్రియముగ కేళించవా
నీ కుమరునిగా నను లాలించవా
శంభో మహాదేవ గంగాధరా
సాంబమూర్తీ సాగిలపడెదర
1.నీవే ఇచ్చిన ఈ జన్మము
నీవే మలచిన నా జీవితం
నీకొఱకే…హరా… నా దేహము ప్రాణము
ఉఛ్వాస నిశ్వాసలందున నీ స్మరణము
శంభో మహాదేవ గంగాధరా
తీరగ నా ఆర్తి కావర వేగిర
2.ఐశ్వర్యమాశించ ఆరోగ్యమీయర
ఆస్తులుకోరను స్వస్థత కూర్చర
పదవుల నడగను నీ పదముల దయసేయ
యశమును కొసరను నువు వశమవగ
శంభో మహాదేవ గంగాధరా
కైవల్యమీయర కైలాసపురహరా
No comments:
Post a Comment