రచన,స్వరకల్పన&గానం:డా.రాఖీ

పాపిట మెరిసే సింధూరం

నుదుటన కుంకుమ తిలకం

కంటికి దిద్దిన అంజనము

వనిత వదనానికే సింగారము

భారతీయ సంస్కృతికి నెలతే నిదర్శనం

సాంప్రదాయ మనుగడకు మగువే కారణం

1.సీత సింధూర ధారణ మహిమనెరిగి మారుతి

మరుచెదమా తన మేనంతా పులుముకొన్న సంగతి

కుంకుమ ధరించినంతనే దిష్టి దోషానికి దుర్గతి

పసుపు కుంకుమలతొ పడతికి ఆయురారోగ్య ప్రాప్తి

2.ఆకట్టుకొనుగ అరచేతుల గోరింట  అరుణకాంతి

ప్రమద పాదాలకు పారాణే నిత్య సౌందర్య దీప్తి

నిండుగా చేతికి వేసుకొన్న గాజులే చూపరులకు రక్తి

పద్దతైన చీరకట్టులో పూబోడి అందమే ప్రశస్తి