రచన,స్వరకల్పన&గానం:డా.రాఖీ
చిత్రం: Sri.Agacharya Artist
శ్రీరామ బంటువని నిన్నంటే మారుతి
పులకరించి పోయెదవు నీ కెంతటి ప్రీతి
శ్రీరామ గానమే నీకు నిత్య నిర్వృతి
ప్రత్యక్షదైవమ హనుమా నీవే శరణాగతి
1.వాయుతేజస్సుగల వరపుత్రుడవు
సాక్షాత్తు పరమేశ్వర అంశవే నీవు
అంజనాదేవీ కేసరి నందనుడవు
దినకరునికి నీవు ప్రియమైన శిశ్యుడవు
2.వజ్రాయుధ ఘాతానికి హనుమవైనావు
బ్రహ్మాస్త్రానికి నీవు బద్ధుడవైనావు
ధర్మానికి రామునితో తలపడనిలిచావు
రామనామ మహిమను లోకానికి చాటావు
3.సకల శాస్త్ర కోవిదుడవు సంజీవ రాయుడవు
సంగీతంలో నారదు గర్వభంగమొనర్చావు
భీముని కావరాన్ని అణచి దీవించావు
పార్థుని పతాకవై విజయము నందించావు
No comments:
Post a Comment