Tuesday, April 27, 2021

 రచన,స్వరకల్పన&గానం:డా.రాఖీ


ఏమీ తోచడం లేదు-నోచినదానికై వేచివేచి

ఏదీ సైచడం లేదు- నీ పెదవుల నే రుచి చూచి

జాబిలిదీ అందమనగలేను నీ మోమును కన్నాక

వెన్నెలా చల్లగ అనిపించలేదు నీ చేరువ నున్నాక


1.మబ్బులకూ అబ్బురమే నీ కురులు రేగ

చుక్కలూ మిణుగురులే నీ చూపుల తూగ

రోజాలకిష్టమే నీ బుగ్గల సిగ్గులై మెరవగ

మల్లెలకదృష్టమే నీ నవ్వులకవి పోలికవగ


2.నీ నడుం మడతలు గోదారిసుక తిన్నెలు

వయారాల నడకలు కిన్నెరసాని మెలికెలు

దృష్టి దాటి పోనీని నీ సుందర మందర గిరులు

సృష్టికి ప్రతిసృష్టిగా మరులురేపు నీ పురులు

No comments: