అందచందాల మాట సరేసరి

నీ మేధచూసి ఆగింది నా ఊపిరి

అంచనాలకు మించినావే సుందరి

నీకు ఫిదానైపోయానే మరిమరి

1.కళ్ళతో చేసేస్తావు కథాకళి నృత్యం

నవ్వులలో చూపిస్తావు భరతనాట్యం

హావ భావాలలో నర్తించేవు మణిపురి

నడయాడే నీ ప్రతిభంగిమ నాట్యమయూరి

2.భాషాభినివేశంలో భారతీ దేవివి

శాస్త్రసాంకేతికతలో శారదా దేవివి

వైజ్ఞానిక ప్రతిభలో అపర వాగ్దేవివి

బహుముఖీయ ప్రజ్ఞతో భాసిల్లితివి