Wednesday, July 21, 2021

 రచన,స్వరకల్పన&గానం:డా.రాఖీ


కొత్తగా పరిచయం చేయవా జీవితం

చిత్తమే నీవుగా నిండగా ఈ క్షణం

నిరీక్షణకు తెరదించేసి

ఆశలను మొలిపించేసి

చేయవా బ్రతుకునే నందనం

హాయిగా గడపగా జన్మాంతం


1.ఎడారిలో ఒయాసిస్సుగా ఎదురైనావు

తమస్సులో ఉషస్సుగా వెలుగిచ్చావు

బీడునేలలోనా చిలకరించవా చినుకులు

మౌన మందిరానా మ్రోగించవా జేగంటలు


2.కవితలే రాయనా నీ తనువున  పెదాలతో 

ముగ్గులే  వేయనా ఎదపై  నా పల్లవ పదాలతో

పరిష్వంగ పంజరంలో శాశ్వతంగ బంధించు

అధరమధురామృతాన్ని తనివితీర అందించు

No comments: