నీ యాదిల నే బతుకుతున్న నా బంగరు బావా

మనాది పెట్టబోకురా మేనత్తకొడుకా శివా శివశివా

ఏటేటా ఊరొస్తనంటివి నన్నుజూడ మరిచావా

ఎదిరిసూసి ఏష్టకొచ్చెరా రోజూ నాకిదే చావా

1.కొలువు కుదిరికుదురంగనె తోల్కపోతనంటివి

గాలిమోటరెక్కంగనె గట్లటెట్ల నువ్ మారిపోతివి

అమాసలెన్నొవాయే పున్నాలు వచ్చిపాయే

జాతర్లెన్నొ జరిగిపాయే పండుగులింక పండిపాయే

నీ జాడపత్తలేదాయే మాటా మంచి కరువాయే

ఫోనుగన్కలేకపాయే నీ పానమెట్లుందొ ఎర్గనాయే

2.పట్టుచీరనైతె పట్టుబట్టి పంపుతానంటివే

పట్టగొల్సులింక పడిపడి చేయిస్తనంటివే

మనువాడి   మస్కటింక చూపిస్తనంటివే

గుండెల్లొ వెట్టుకొని చూసుకొంట నంటివే

అవ్వేవి నాకొద్దు నువ్వైతే జల్దిరా పడిగాపులు పడ్తిరా

బతుకింక నీకే ముడుపు కడ్తిరా వలపు దాచిపెడ్తిరా

PIC courtesy: unknown greate artist 😊🙏