నీ పరం చేసేసా నా హృదయం
వరంగా అందించు నీ ప్రణయం
మెడలో నే వేయనా అక్షర నక్షత్ర హారం
నా కవితగ మలచనా నిను జీవన పర్యంతం
1. వల వేసినావే వలపు నెరగవేసి
ఎద దోచినావే వాలుచూపు చూసి
నే మనలేను నినువీడి మరణించినా
ఏమనలేను నన్నే ఉపేక్షించినా
2. కన్నులలో సాదర ఆహ్వానం
మాటలలో మాత్రం తిరస్కారం
ఊరించనేల ఉత్తుత్తిగానే ప్రతిసారి
నను చేరరావేల నాదానిగా మారి
No comments:
Post a Comment