రచన,స్వరకల్పన&గానం:డా.రాఖీ
రాగం:సింధుభైరవి
కొలువై ఉన్నాడు ఏడుకొండలపైన
నెలకొనియున్నాడు మనగుండెలలోన
కడచి చూడవొ ఏడు ద్వారాల
ఎరుక నరయవొ సప్త చక్రాల
దర్శింతువదే వేంకటాచలపతిని
ఛేదింతువికనీ దేహాత్మ భావనని
1.బాహ్యమగు దృష్టి నేత్రానందమే
అంతఛ్ఛక్షు వీక్షణ పరమానందమే
తొలగించినంతనే మనోనిర్మాల్యము
ప్రకటమౌనిక పరమాత్మ రూపము
దర్శింతువదే వేంకటాచలపతిని
ఛేదింతువికనీ దేహాత్మ భావనని
2.సంశయమే వలదు స్వామిని గనుటకు
సాక్షాత్కరించును నిశ్చయమిక నీకు
మనసా వచసా ధ్యానించి నిలువగ
ఏకాగ్ర చిత్తము హరి మీద నిలుపగ
దర్శింతువదే వేంకటాచలపతిని
ఛేదింతువికనీ దేహాత్మ భావనని
No comments:
Post a Comment