రచన,స్వరకల్పన&గానం:డా.రాఖీ
అలంకారమే అదనపు సొబగు అతివకు
ఆభరణాలే ఆకర్షణలు సుదతి సొగసుకు
నిండైన రూపుతొ రెప్పవాల నీయదు
దబ్బపండు ఛాయతో చూపు తిప్పనీయదు
భారతీయ దీప్తి వనిత
చెప్పనలవి కానిది తన ఘనత
1.పాపిట సిందూరం నుదుట తిలకం
సిగలో జాజులు చెవుల జూకాలు
ముక్కున ముక్కెర చెంపసరాలు
మెడలో పచ్చలహారం కటి వడ్డాణం
భారతీయ దీప్తి వనిత
చెప్పనలవి కానిది తన ఘనత
2. దండన కేణా చేతికి గాజులు
వ్రేళ్ళకుంగరాలు సింగారాలు
జడగంటలు కాళ్ళకు మంజీరాలు
కోకా రైకా కోమలి మేనుకు అందాలు
భారతీయ దీప్తి వనిత
చెప్పనలవికానిది తన ఘనత
No comments:
Post a Comment