https://youtu.be/wAOREZdUDZQ
రచన,స్వరకల్పన&గానం:డా.రాఖీ
కమ్మగ పాడే తెల్లని కోయిలవే
ఏడాదంతా నవ్వై విరిసే ఆమనివే
స్వఛ్ఛని స్ఫటికపు నిర్మల మానసవే
ఉషోదయాన మెరిసే తుషార బిందువువే
1. పావన గంగా సమమే నీ గళము
నీ హృదయము మమతకు దేవళము
అందానికి నీవే ఇలాతలాన తరళము
క్షీరనీర న్యాయమందు నీవే మరాళము
2.లతగా అల్లుకోని మన పరిచయము
కవితగా పరిణమించనీ మన స్నేహితము
మంజులమై నినదించనీ ఇక జీవితము
జనరంజకమై అలరించనీ మనగీతము
No comments:
Post a Comment