Monday, September 13, 2021

 రచన,స్వరకల్పన&గానం:డా.రాఖీ


ఆరాధనంటే ముజ్జగాలలో ఆరాధదే

అద్వైతమంటే అది రాధామాధవీయమే

రాధకు కృష్ణుడిపైననే సర్వదా ధ్యాస

కృష్ణుడు రాధకెపుడు కట్టుబానిస


1.ఇహమును విరమించి అహమున రమించి

పరమాత్మనైను అంతరాత్మలో గాంచి

జీవనసాగరాన అంతర్మథనమే గావించి

సంగమ సాఫల్యమందు సుధనే సేవించ

రాధకు కృష్ణుడిపైననే సర్వదా ధ్యాస

కృష్ణుడు రాధకెపుడు కట్టుబానిస


2.పరమానందమందు పరవశమొంది

పరస్పరం పరిష్వంగ తన్మయమే చెంది

అధరపుష్పాలలో మకరందము నంది

బింబము ప్రతిబింబము ఐక్యము నొంద

రాధకు కృష్ణుడిపైననే సర్వదా ధ్యాస

కృష్ణుడు రాధకెపుడు కట్టుబానిస

No comments: