రచన.స్వరకల్పన&గానం:డా.రాఖీ

రాగం:లలిత వసంతం

కల నిజమయ్యే ఉషస్సువు

బంగరు రంగుల రోచిస్సువు

నా వశములొ లేని మనస్సువు

నా జీవన జ్యోతికి హవిస్సువు

నిత్య వసంతమై అలరిస్తావు

లాలిత్య గీతమై మదిదోస్తావు

1.నీరెండలా  వెచ్చని హాయివి

విరిదండతో వచ్చిన ప్రియవి

 నా కన్నుల కమ్మేసిన మాయవి

నీవే లోకమైన నా సోయివి

నిత్య వసంతమై అలరిస్తావు

లాలిత్య గీతమై మదిదోస్తావు

2.మాటల మంత్రమేసె జాణవి

పాటల మధువుపోసె పికానివి

సయ్యాటలాడే సౌదామినివి

కౌగిట చేర్చుకునే సమీరానివి

నిత్య వసంతమై అలరిస్తావు

లాలిత్య గీతమై మదిదోస్తావు