ఉద్యోగం పురుష లక్షణం

మనుగడకు ఉపాధి కారణం

అరవైవత్సరాల ఆయుఃప్రమాణం

వెరసి అనివార్యం ఉద్యోగవిరమణం

ఉద్యోగి గారు మీ లక్ష్యం పరిపూర్ణం

నిర్ధ్వందంగా అప్రతిహతం అజేయం అమోఘం

ఉద్యోగి గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

1.శిఖరాగ్రం చేరుకున్న గ్రామీణ బ్యాంకరు మీరు

యజమాన్యం మెచ్చుకునేలా ఆదర్శం మీ తీరు

ఉద్యోగుల సంఘాలలోనూ ఉద్యమించినారు

సంకటాలు ఎదురైనా అధిగమించినారు

ఉద్యోగి గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

2.చెరిగిపోని చిరునవ్వు మీ పెదవుల కదలాడు

అవగాహన విషయంలోను తడబడరు ఎన్నడు

కష్టమర్ల సేవలలో మీకు మీరే కదా సాటి

ఎవరైనా ఇష్టపడే వ్యక్తిత్వానికి మీరే దివిటి

ఉద్యోగి గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు

3.అర్ధాంగికి ఉత్తముడైన ఆదర్శ పతివి

సంతానాన్ని చేర్చినావు అత్యున్నత స్థితికి

సాగిపోని భవితంతా ప్రశాంతమౌ త్రోవగా

ఆనందం వెల్లివిరిసే కుటుంబంతొ హాయిగా

ఉద్యోగి గారు పదవి విరమణశుభాకాంక్షలు  

మీ స్నేహ శీలతకూ  నా హార్దిక జేజేలు