https://youtu.be/Fx60aVyCi0Y?si=bY4VZABrdhSr9x_i
ఎవరికైనా పెట్టావా ఇంతటి క్లిష్ట పరీక్షలు
ఎవరికైనా వేసావా నాకన్న నికృష్ట శిక్షలు
చదవలేదు నేనే ఇతిహాసాన
వినలేదు ఏ పురాణ మందున
వేంకటేశ సంకటనాశా ఏమిటీ తమాషా
నా వెతలను భరించడం హమేషా ఆషామాషా
1.వేలు నొప్పి తగ్గేలోగా కాలు మెలిక పెడతావు
మెడపట్టు వదిలినంతనే నడుం పని పడతావు
కన్నుమూసి తెరిచేలోగా వెన్నపూస నలిపేస్తావు
నువు తలపుకు రాకుండా తలనొప్పులెడుతావు
వేంకటేశ సంకటనాశా ఏమిటీ తమాషా
నా వెతలను భరించడం హమేషా ఆషామాషా
2.మందులేని రోగాలన్ని నాకై కనిపెడతావు
ఊపిరాగి పోయేలాగా కఫం గొంతునింపుతావు
వాతం మితిమీరజేసి సతమత మొనరించుతావు
బ్రతుకు కన్న చావేమరి మేలనిపించుతావు
వేంకటేశ సంకటనాశా ఏమిటీ తమాషా
నా వెతలను భరించడం హమేషా ఆషామాషా
No comments:
Post a Comment