కృతజ్ఞతాభివందనాలు మిత్రులకు,మైత్రి మాత్రులకు

ధన్యవాద సహస్రాలు హితులకు మహా  మహితులకు

అభినందన తెలిపినందుకు-శుభకామన కోరినందులకు

నా మనోభావాలు పంచుకున్నందుకు

నను ముందుకు నడుపుతున్నందుకు

1.ఒకింత  వంచించినా కించిత్ కించపరచినా

వినోదాన్ని పంచేందుకు నన్నేమార్చినా

సరదాను పెంచేందుకు  పావుగ మార్చినా

క్రీడా స్ఫూర్తిగా పరిగణ చేసాను

పోనీ లెమ్మని  తేలిక పడినాను

వందనాలు నా ఎడల మీ ఆసక్తులకు

పబ్బతులివె నా పట్ల మీ యుక్తులకు

2.అభిమానించినా  అభిశంసించినా

నా ఉన్నతి ఎల్లపుడు మీరు కాంక్షించినా

నా సోపతి ఎన్నడైన మీరాశించినా

అది మీ ప్రేమగానె భావించినాను

ఆత్మీయ స్నేహితులని ఎంచినాను

నమస్సులివే మీ విశాల మనస్సులకూ

దండాలు మీకివే మీఅండదండలకూ

మన్నించగ వేడుకోలు నా దోషాలకి

పదవీ విరమణ వీడ్కోలు టిజిబికి