రచన,స్వరకల్పన&గానం:డా.రాఖీ
రాగం:చారుకేశి
ఒయాసిస్సు నేనౌతా నీ ఎడారి దారిలో
ఇంద్రధనుసు నౌతా శ్వేతాంబర వీథిలో
ఒంటరినని ఏమాత్రం దిగులు చెందకూ
తోడెవరూ లేరని ఎపుడూ గుబులునందకు
చిరునవ్వుల వరమిస్తే నీ నేస్తమౌతా
మనసారా స్నేహిస్తే నే సమస్తమౌతా
1.నిత్యనూతనంగా గడపాలి ప్రతి క్షణము
ఏ దైనా స్వీకరించడం ఆనంద లక్షణము
రేపు అద్భుతం అన్నది మన ఊహకైనఅందాలి
స్వప్నమందైనా స్వర్గం మన చేతికందాలి
2.అందంమంటే ఏమిటో హృదయాన చూడాలి
అనుబంధం అన్నది పంచుతు చవిచూడాలి
కలకాదు కలయిక మనది అపురూప సంయోగం
జన్మలుగా వెంటాడే దైవ దత్త సంగమం
No comments:
Post a Comment