https://youtu.be/7mPXe2v85Bw

రచన,స్వరకల్పన&గానం:డా.రాఖీ

రాగం:హరి కాంభోజి

నెమలికి ఇచ్చావు నాట్యము

పికముకు ఇచ్చావు గాత్రము

పిట్టకు సైతం ఇచ్చావు గ్రాసము

వరముగ ఇచ్చావు వాటికి స్వేచ్ఛా జీవితము

ప్రసాదించావు ముమ్మాటికి ఆనందమయ లోకము

ఏల స్వామీ  నీకు ఏక పక్షము-పక్షివాహనా ఈ పక్షపాతము

1.నరసింహుడవై ప్రహ్లాదుని గాచినావు

రఘురాముడివై హనుమని బ్రోచినావు

ధర శ్రీ కృష్ణుడివై రాధని వలచినావు

శీతకన్ను వేసితివే నాపై వేంకటాచలపతి

నా రాతనిలా రాసితివే తిరుమల శ్రీపతి

ఏల స్వామీ  నీకు ఏక పక్షము-పక్షివాహనా ఈ పక్షపాతము

2.త్యాగరాజు ఒసగినాడ ఏదైనా లంచము

అన్నమయ్య అందించిన దే బహుమానము

నాకైతే మాటలొ పాటలో నీతోడిదె  ప్రపంచము

శిఖరము చేరేంతలొ లోయలోకి తోయాలా

తీరము దాపులొనె నావముంచి వేయాలా

ఏల స్వామీ  నీకు ఏక పక్షము-పక్షివాహనా ఈ పక్షపాతము