రచన,స్వరకల్పన&గానం:డా.రాఖీ
అగ్గేమో ఎగసేను నీ కంటిగుండా
బుగ్గేమో పూసేవు నీ ఒంటినిండా
నీటి బుగ్గేమో నెత్తినుండి జారుతుండ
ఎలుగు బుగ్గేమో తలన ఎలుగుతుండ
చెప్పనలవిగాదు శంకరా నీకుండె సింగారమింకరా
మాతప్పులెంచకింకరా చప్పున ఇప్పుడె మా వంక రా
1.సంపేటి ఇసమేమో బొండిగనుండ
కాటేసె పామేమో నీ మెడలొ దండ
ఏనుగు తోలే నీకు కట్టే బట్టగనుండ
బుడబుక్క తిప్పేటి సప్పుడెప్పుడుండ
చెప్పనలవిగాదు శంకరా నీకున్న గొప్పలింకరా
మాతప్పులెంచకింకరా చప్పున ఇప్పుడె మా వంక రా
2ఎద్దునెక్కినువ్వు తిరుగుతుండ
ఇంటింటి బిచ్చంతొ నీకడుపునిండ
వల్లకాట్లోనే నీదైన కొలువుండ
నీ ఇల్లుపట్టేమో ఆ ఎండికొండ
చెప్పనలవిగాదు శంకరా సన్యాసి నీ వాసినింకరా
మాతప్పులెంచకింకరా చప్పున ఇప్పుడె మా వంక రా
No comments:
Post a Comment