రచన,స్వరకల్పన&గానం:డా.రాఖీ
మది బృందావని కెంతగా ఎదురుతెన్నులు
మనమను యమునకు కాయలుకాచెను కన్నులు
కన్నయ్యా నీ హృదయమే వెన్నయ్యా
కనికరముతొ కని అరుదెంచగ నీకింతటి జాగేలయ్యా
1.ఆరాధనే అగుపించదా నేచేసే ఆరాధనలో
ఆ మీరా స్ఫురించదా నేసమర్పించే నివేదనలో
అనాథనైతిని నేను నను చేరదీయరా శ్రీనాథా
అక్కునజేర్చుకోవేరా ఆలకించి నా దీనగాథ
2.తీర్చావుగా పదహారు వేల గోపికల కోరికల
నెరవేర్చవేలనయా వారిలా నేకన్న తీపి కల
చోటులేకపోతెమానె కాసింతైనా నీ ఎడదన
కడతేరనీయి కన్నయ్యా నీ పదముల కడనైనా
No comments:
Post a Comment