రచన,స్వరకల్పన&గానం:డా.రాఖీ
అవధులులేనిది ఏదీ లేదు విశ్వం సహా
అపారమైన నా ప్రేమ మినహా
పరిధులు కలదే ప్రతిదీయన్నది వ్యర్థపు ఊహ
అనంతమే నా హృదయ విశాలత ఎవరెరుగరు ఈ తరహా
నీవే నాలోకమై నీవంటే మైకమై నీతోనే నాకమై నువు లేక శోకమై
1.వదలను నీచేయి వదులుకోను ఈ హాయి
వలపులు నీతోనే పగలూ రేయి
అడుగులొ అడుగేసి ఏడడుగులు నడిచేసి
తరిస్తా బ్రతుకంతా నీతో గడిపేసి
నీవే నాలోకమై నీవంటే మైకమై నీతోనే నాకమై నువు లేక శోకమై
2.ముగ్గులోకి ననుదించి ప్రేమనెంతొ అందించి
నీ దాసునిజేసావే నను మురిపించి
దాటిపోను నీ గీత జవదాటను నీ మాట
ఆనందనందనమే నాకు నీవున్నచోట
నీవే నాలోకమై నీవంటే మైకమై నీతోనే నాకమై నువు లేక శోకమై
No comments:
Post a Comment