రచన,స్వరకల్పన&గానం:డా.రాఖీ
నీ సొమ్మేం జారిపోతుంది
ఒక్కసారి నాకు నువ్వు హాయ్ చెప్పితే
నీ సోకేం కరిగిపోతుంది
గుడ్ మార్నింగంటూ పలకరించితే
గజ గమనా ఘనజఘనా నీకిది తగునా
లలనా మనగలనా నిముషమైన నువు వినా
1.నా అంతట నేనుగా కుదుపాలి నిన్ను
కవితగా నిను మలచగ కదపాలి పెన్ను
పొలమారునట్లుగా తలచాలి నిన్ను ప్రతిపొద్దు
కలనెరవేరేట్లుగా దాటవేల నువ్వు ప్రతి హద్దు
గజ గమనా ఘనజఘనా నీవేలే నా మనమున
లలనా మనగలనా నిముషమైన నువు వినా
2.గాజుముక్కలే పూలరెక్కలు నీ చూపుల కన్నా
గండశిల సైతం అతిసున్నితం నీ కరకు గుండెకన్నా
నావైపుగా ఆరాటమెంత ఉంటే ఏం ప్రయోజనం
అర్పించినా కరుణించవాయే హృదయ నీరాజనం
గజ గమనా ఘనజఘనా నువ్వే లేక నే కవినా
లలనా మనగలనా నిముషమైన నువు వినా
No comments:
Post a Comment