రచన,స్వరకల్పన&గానం:డా.రాఖీ
ఓడిపోక తప్పదు నీకు ఓ వేంకటేశ్వరా
పోటీగ నిలిచేవా గెలిచేవా జగదీశ్వరా
పెట్టుకో ఎన్నైనా కఠిమైన పరీక్షలు
తట్టుకొనగలిగెదను నీ పాదాలే నా రక్షలు
1.దేహానికే గదా నువు వేసే శిక్షలు
భౌతికమైనవేగా ఈ ఈతిబాధలు
గాయాలు మానిపోతాయి నీ ధ్యాసలో
కష్టాలు తీరిపోతాయి నీ నీడలో
2. కొలిమిలో కాల్చేవు తనువు మకిలిని
తపనలో మాడ్చేవు మనసు కొసరును
త్రోవలన్ని మూసేది నీ దారి చేరుటకేగా
బంధాలు బిగించేది త్వరగా తెగుటకేగా
No comments:
Post a Comment