https://youtu.be/YUiOQ--nyMU?si=6OSgqLqURIzQJyT5
రచన,స్వరకల్పన&గానం:డా.గొల్లపెల్లి రాంకిషన్(రాఖీ)
రాగం: శంకరాభరణం
సాయీ యను పిలుపులోనె హాయి ఉన్నది
సాయినామ స్మరణలో తన్మయత్వమున్నది
సాయి ఎడల ఎడదలో నమ్మకమున్నది గట్టి నమ్మకమున్నది
సాయిని కోరుకొనగ ఏమున్నది ఇంతకన్న ఏమున్నది
సాయిరాం షిరిడీ సాయిరాం సాయిరాం షిరిడీ సాయిరాం
1.సాయి కనులలో అపారమైన కరుణ ఉన్నది
సాయి చూపులో విశేషమైన ఆకర్షణ ఉన్నది
సాయి సన్నిధానంలో శాంతి ఉన్నది ప్రశాంతి ఉన్నది
సాయి బోధలందున క్రమత ఉన్నది మానవత ఉన్నది
సాయిరాం షిరిడీ సాయిరాం సాయిరాం షిరిడీ సాయిరాం
2.సాయి పాదాలలో పావన గంగ ఉన్నది
సాయి చేతిలో అక్షయ పాత్ర ఉన్నది
సాయి ఒసగు విభూతిలో ఔషధమున్నది ఐశ్వర్యమున్నది
సాయి భక్తి భావనలో తృప్తి ఉన్నది జీవన్ముక్తి ఉన్నది
సాయిరాం షిరిడీ సాయిరాం సాయిరాం షిరిడీ సాయిరాం
No comments:
Post a Comment